Назарбаев Университеті Жоғары бизнес мектебінің Халықаралық консультативтік кеңесі 2017 жылы мектептің және оның академиялық бағдарламаларының стратегиялық даму бағыттары мен мақсаттарын анықтауда сыртқы сараптама беру мен қолдау көрсету үшін құрылды.

Халықаралық консультативтік кеңесінің мүшелері Жоғары бизнес мектебінің стратегиясы мен қызметін қалыптастыруда маңызды рөл атқарады.

Кеңес мүшелері мектептің академиялық бағдарламаларының құрылымын қалыптастыруға көмектеседі және мектеп басшылығына мектептің стратегиялық, операциялық және қаржылық басқару мәселелері бойынша кеңес береді.

Құрамына Қазақстанда жұмыс істейтін жетекші халықаралық компаниялардың, мемлекеттік органдардың, ұлттық компаниялардың, әлемнің жетекші университеттерінің өкілдері, сондай-ақ Жоғары бизнес мектебінің студенттері мен түлектері кіретін Халықаралық консультативтік кеңес жылына кемінде бір рет жиналады.

Халықаралық консультативтік кеңестің мүшелерін мектеп деканы тағайындайды немесе кеңестің қазіргі мүшелері сайлайды. Мүшелер кеңесте үш жыл жұмыс істейді және олардың мүшелігі қосымша мерзімге жаңартылуы мүмкін.