Nazarbayev University мен HKUST Астанада Silk Road Empirical Trade Conference алғашқы конференциясын өткізді

Nazarbayev University Жоғары бизнес мектебі (NUGSB), HKUST Business School және Georgia Tech жанындағы Халықаралық сауда саласындағы эмпирикалық зерттеулер форумы (Forum for Research in Empirical International Trade) 28–29 тамыз күндері Nazarbayev University-де Silk Road Empirical Trade Conference алғашқы конференциясын өткізді. Іс-шара Еуропа, Азия және Солтүстік Америкадағы университеттер мен ғылыми-зерттеу ұйымдарының халықаралық сауда және инвестициялар саласындағы жетекші зерттеушілерінің басын қосты.

Конференция NUGSB–HKUST Forum on Global Transformation of Value Creation аясында өтті. Үш күнге созылған академиялық форум технологиялық, экономикалық және геосаяси өзгерістердің жаһандық деңгейде құндылықты қалыптастыру және айырбастау үдерістерін қалай өзгертіп жатқанын талқылауға арналды.

Іс-шараны өткізу арқылы Nazarbayev University мен HKUST Халықаралық сауда саласындағы эмпирикалық зерттеулер форумы (FREIT) желісі аясында конференциялар ұйымдастыруға атсалысатын университеттердің шектеулі қатарына қосылды. 1994 жылдан бері FREIT халықаралық сауда саласындағы деректерге негізделген зерттеулерді дамытуға және академиялық мансабының барлық кезеңдеріндегі зерттеушілерді қолдауға бағытталған жетекші халықаралық ұйым болып келеді.

Тарихи Ұлы Жібек жолынан бүгінгі жаһандық экономикаға дейін Астана сауда, инвестициялар, технологиялар және геосаяси өзгерістердің жаһандық құндылық қалыптастыру үдерісіне ықпалын зерттейтін халықаралық экономистер қауымдастығының басын қосқан маңызды кездесу орнына айналды.

Екі күн ішінде конференцияға арнайы іріктелген зерттеушілер халықаралық сауда мен инвестиция саласындағы эмпирикалық зерттеулердің кең ауқымды тақырыптарын қамтитын 12 ғылыми жұмысты ұсынды. Бағдарлама зерттеу жұмыстарының таныстырылымдарын, талқылаушылардың пікірлері мен ашық пікірталастарды қамтып, ғалымдарға өз көзқарастарымен бөлісуге, зерттеу нәтижелерін талқылауға және жаңа ғылыми байланыстар орнатуға мүмкіндік берді.

Конференция барысында ұсынылған зерттеулер технологиялар трансфері мен идеялардың таралуы, Қытайдың «Бір белдеу, бір жол» бастамасы, цифрлық қызметтер саудасын реттеу, Қытайдың өнеркәсіптік саясаты, санкциялардың экономикалық әсері, сондай-ақ сыртқы сұраныс пен ішкі өндіріс сапасы арасындағы байланыс сияқты мәселелерді қамтыды.

Конференция Еуропа, Азия және Солтүстік Америкадағы жетекші академиялық және ғылыми-зерттеу ұйымдарының өкілдерін біріктірді. Қатысушылар мен талқылаушылар қатарында Қытайдағы HKUST және Fudan University; Бельгиядағы KU Leuven; Франциядағы Institut Polytechnique de Paris және Université Paris Dauphine–PSL; Даниядағы Aarhus University; Германиядағы LMU Munich және ifo Institute; Италиядағы European University Institute және LUMSA; Ұлыбританиядағы University of Bath; АҚШ-тағы Georgia Tech, Federal Reserve Bank of Chicago және University of Colorado; сондай-ақ Қазақстандағы Nazarbayev University сияқты жетекші ұйымдардың өкілдері болды.

Конференцияның негізгі баяндамасын HKUST және University of Colorado профессоры Вольфганг Келлер жасады. Ол халықаралық сауда тарихындағы маңызды қақтығыстардың бірі — Апиын соғысының экономикалық салдарын қарастыратын The Economic Consequences of the Opium War атты зерттеуін ұсынды.

Конференция қарсаңында, 27 тамызда, Орталық Азияның зерттеушілері мен сарапшыларын біріктірген воркшоп өтті. Оның барысында экономикалық саясат пен халықаралық бизнес мәселелері талқыланды. Воркшоп аясында New Uzbekistan University, NUGSB, Özyeğin Graduate School of Business және NAC Analytica ұйымдарынан шақырылған баяндамашылар төрт ғылыми жұмысты ұсынды. Бұл өңірдегі зерттеу әлеуетін арттырудың және Орталық Азия ғалымдары мен сарапшыларының халықаралық академиялық қауымдастықпен өзара байланысын дамытуға мүмкіндік жасаудың маңыздылығын көрсетті. Бағдарлама аясында жасанды интеллект және «Бір белдеу, бір жол» бастамасы тақырыбында панельдік пікірталас та өтті. Пікірталас академиялық орта, мемлекеттік саясат және бизнес өкілдерінің көзқарастарын біріктіріп, жаһандық сауда мен құндылық қалыптастыру үдерістерін өзгертіп жатқан факторларды талқылау аясын кеңейтті. Панельге жетекші академиялық ұйымдардың, экономикалық зерттеу және мемлекеттік саясат саласындағы ұйымдардың, сондай-ақ көлік және логистика секторының сарапшылары қатысып, академиялық зерттеулерді мемлекеттік саясат пен бизнес тәжірибесімен ұштастыратын түрлі көзқарастар ұсынды.

Конференция Nazarbayev University мен HKUST арасындағы академиялық серіктестіктің нығайып келе жатқанын да көрсетті. Форум барысында Nazarbayev University Президенті Вакар Ахмад екі ұйым арасындағы серіктестіктің кең ауқымды маңызын атап өтті:

Президент Ахмад екі ұйымның ортақ академиялық қызығушылықтарының кең ауқымына да тоқталды:

Серіктестік зерттеу және білім беру бағыттары бойынша дамып келеді. HKUST өкілі Дэвид Кук бірлескен зерттеу жобалары мен конференциялар арқылы профессор-оқытушылар құрамы арасындағы байланыстарды нығайтудың маңыздылығын атап өтті:

Конференция екі бизнес-мектеп арасындағы профессор Кук «жаңа әрі аса маңызды серіктестік» деп атаған бастаманың — бірлескен қос дипломды Bachelor of Business Administration in Eurasian Business бағдарламасының іске қосылуымен тұспа-тұс келді. Бағдарлама студенттерге екі оқу орнында білім алуға жаңа мүмкіндіктер ұсынып, сонымен қатар екі ұйымның профессор-оқытушылар құрамы мен зерттеу қауымдастықтары арасындағы байланысты нығайтады.

Ынтымақтастықтың екі бизнес мектебінің аясынан да кеңеюі күтілуде. Nazarbayev University мен HKUST зерттеу және басқа да академиялық бағыттар бойынша ынтымақтастықтың жаңа мүмкіндіктерін қарастыруда. Бұл ретте екі ұйымның бизнес, инженерия, жасанды интеллект және жеткізу тізбектері сияқты салалардағы ортақ академиялық әлеуеті негізге алынады.

Серіктестіктің одан әрі дамуы халықаралық басқарушылық білім беру саласында да жаңа мүмкіндіктер ашады. Қыркүйек айында NUGSB Kellogg–HKUST Executive MBA programme қатысушылары үшін халықаралық резидентура өткізеді. Бұл халықаралық басшыларға Қазақстанмен және Nazarbayev University академиялық қауымдастығымен жақынырақ танысуға тағы бір мүмкіндік береді.

Алғашқы Silk Road Empirical Trade Conference конференциясы Астанада халықаралық академиялық алмасу үшін жаңа платформа қалыптастырып, Қазақстанды сауда, инвестициялар және құндылық қалыптастыру үдерістерін айқындайтын факторларды зерттейтін жаһандық ғылыми қауымдастықпен байланыстырады. NUGSB–HKUST Forum аясында өткен конференция ұйымдар мен өңірлер арасындағы академиялық байланыстарды нығайтуға және бірлескен зерттеулерді дамытуға бағытталған кең ауқымды міндеттерді жүзеге асыруға үлес қосады.

Nazarbayev University Президенті Вакар Ахмад атап өткендей, «бұл серіктестіктің алдағы айлар мен жылдарда одан әрі табысты дамитынына толық негіз бар».