Джозеф Конингс 1994 жылы Лондон экономика мектебінде экономика саласындағы PhD дәрежесін алды. Оның зерттеулері фирмалық динамизмге, халықаралық макроэкономикаға және макроэкономикалық ауытқуларға әсер ететін микро драйверлерге бағытталған. Осы мақсатта ол өзекті экономикалық сұрақтарға жауап беру үшін «үлкен деректер» аналитикасын пайдаланады. Ол ЕО, ЭЫДҰ, Азия даму банкі және басқа да халықаралық институттар мен жеке фирмалардың көптеген ғылыми жобаларына қатысты. Конингс American Economic Review, The Review of Economic Studies, Information Systems Research және Review of Economics and Statistics сияқты жетекші академиялық журналдарда әртүрлі мақалалар жариялады. Конингс әртүрлі үкіметтерге экономикалық саясат бойынша кеңес берді. Ол жеке фирмалардың, мемлекеттік мекемелердің және Орталық банктердің тұрақты қонағы болып табылады. Экономикалық саясатты зерттеу орталығының (CEPR) ғылыми қызметкері және Аймақтық экономикалық саясат орталығының (VIVES) директоры.

Том Винаймонт Nazarbayev University Graduate School of Business мектебінің академиялық мәселелер жөніндегі вице-деканы. Ол Бельгияның тумасы және KU Leuven университетінде қаржы саласы бойынша докторлық дәрежесін (PhD) алған.
Ол сондай-ақ NYU Stern School of Business бизнес мектебінде шақырылған зерттеуші болып жұмыс істеді және City University of Hong Kong университетінің Экономика және қаржы кафедрасында ассистент-профессор қызметін атқарды.
Оның қаржы саласындағы ғылыми еңбектері Journal of Banking and Finance және Journal of Business Finance and Accounting секілді халықаралық рецензияланатын журналдарда жарияланған. Сонымен қатар, оның зерттеулері бағалы қағаздар құрылымы, құқық және тәжірибе мәселелеріне арналған саясаттық жарияланымдарда жарық көрген. Доктор Винаймонт қаржы нарықтарының қызметі мен қаржы құралдарының саудасына қатысты істер бойынша жалпы құқық соттарында қорғаныс тарапының тәуелсіз сарапшысы ретінде де қатысқан.
Том Винаймонт City University of Hong Kong және Nazarbayev University университеттерінде оқыту мен білім беру ісіне қосқан үлесі үшін университеттік деңгейдегі үздік марапаттарға ие болған.

Венкат Суббан Субраманян Назарбаев университетінің Жоғары бизнес мектебінде ғылыми-зерттеу жұмысы жөніндегі вице-деканы болып табылады. Ол бұған дейін Гонконг университетінде және Бельгиядағы Влерик бизнес мектебінде оқытушылық қызметін атқарған. Бельгияның Брюссель еркін университетінің Солвей бизнес мектебінде менеджмент докторы дәрежесін алғанға дейін ол Бельгиядағы Левен католиктік университетінде және Францияның INSEAD бизнес мектебінде стратегия, халықаралық менеджмент және қаржы саласындағы ғылыми-зерттеу жұмыстарымен айналысты. Оның стратегия және халықаралық бизнес саласындағы еңбектері жетекші академиялық журналдарда және іскери басылымдарда жарияланды. Доктор Венкат Суббан Субраманянның ғылыми қызығушылықтары
индустриалды сектор факторларының дамушы елдердегі компаниялардың өнімділігі мен жаһандық бәсекелестігіне әсерін қамтиды. Ол сонымен қатар Еуропа мен Азиядағы стартап-жобаларға кеңес берді.

Мақсат Мамашев Қазақ мемлекеттік басқару академиясын (Нархоз, Алматы) «Халықаралық қаржы» мамандығы бойынша және Л.Н. Гумилев атындағы Еуразия ұлттық университетін(Астана) «Құқықтану» мамандығы бойынша бітірген. Ол сондай-ақ Англия политехникалық институтында (Кембридж, Ұлыбритания) Халықаралық бизнес экономикасын оқыды, АҚШ-тың Дьюк Университетінің Фукуа бизнес мектебінің Іскерлік әкімшілендіру магистрі (MBA) дәрежесіне ие және Халықаралық жобаларды басқару қауымдастығының (IPMA) жобаларды басқару бойынша сертификатталған жоба директоры (А деңгейі) болып табылады. 2024 жылдың ақпан айынан бастап Мамашев Назарбаев Университетінің бас операциялық директоры және НУ Жоғары бизнес мектебінің вице-деканы қызметін қоса атқарады. 2009
жылы құрылғаннан бастап НУ құру және дамыту бойынша жұмыс істеген шағын
құрылтайшылар тобының мүшесі ретінде қызмет атқарып, 2018 жылы ол Атқарушы вице-президент қызметінен кетті. 2019 жылы жаңа Астана халықаралық IT университетін құру бойынша ректор-жоба жетекшісі болып жұмыс істеді. Оның мемлекеттік және корпоративтік секторларда үлкен тәжірибесі бар. Бірнеше жыл бойы Мамашев Қазақстандық ұлттық географиялық қоғамның директорлар кеңесінің негізін қалаушы-мүшесі, Қазақстандық жобаларды басқару қауымдастығының вице-президенті және Дьюк Университетінің Фукуа бизнес мектебінің халықаралық консультативтік кеңесінің мүшесі ретінде қызмет атқарды.

Еркен Турғанбаев Nazarbayev University Graduate School of Business мектебінде Бас әкімшілік директор қызметін атқарады. Бұл рөлде ол Мектептің операциялық стратегиясына, әкімшілік қызметіне және ресурстарды басқаруға жетекшілік етіп, жоғары сапалы академиялық бағдарламалардың жүзеге асырылуына және Мектептің стратегиялық басымдықтарының орындалуына қолдау көрсетеді.
Доктор Турғанбаев Nazarbayev University-ге 2016 жылы Executive Education директоры ретінде қосылып, басшылық және кәсіби білім беру бағдарламаларын әзірлеу мен кеңейтуге жетекшілік етті. 2019 жылы қазіргі басшылық қызметіне тағайындалды. Nazarbayev University-ге дейін ол Д. Серікбаев Атындағы Шығыс Қазақстан Мемлекеттік Техникалық Университеттте бірқатар академиялық және әкімшілік лауазымдарды атқарды, соның ішінде Ақпараттық технологиялар және энергетика мектебінің негізін қалаушы деканы және Жоғары оқу орнынан кейінгі білім беру және жаңа білім беру технологиялары институтының директоры болды.
Ол Robert Gordon University-де экономика саласы бойынша PhD дәрежесін алған, сондай-ақ Novosibirsk State University-де физика-математика ғылымдарының кандидаты ғылыми дәрежесіне ие. Сонымен қатар, Турғанбаев Гарвард Университетінің Дэвис атындағы орыс және Еуразиялық зерттеулер орталығында Fulbright бағдарламасының шақырылған зерттеушісі болған. Оның ғылыми зерттеу бағыттарына өңірлік экономикалық даму, адами капитал және Қазақстан мен еуразиядағы экономикалық өсім мәселелері кіреді.
Еркен Турғанбаев қазақ, ағылшын және орыс тілдерін еркін меңгерген және жоғары білім беру саласындағы басқару, ғылыми зерттеу және академиялық бағдарламаларды дамыту бойынша мол тәжірибеге ие.