Джозеф Конингс 1994 жылы Лондон экономика мектебінде экономика саласындағы PhD дәрежесін алды. Оның зерттеулері фирмалық динамизмге, халықаралық макроэкономикаға және макроэкономикалық ауытқуларға әсер ететін микро драйверлерге бағытталған. Осы мақсатта ол өзекті экономикалық сұрақтарға жауап беру үшін «үлкен деректер» аналитикасын пайдаланады. Ол ЕО, ЭЫДҰ, Азия даму банкі және басқа да халықаралық институттар мен жеке фирмалардың көптеген ғылыми жобаларына қатысты. Конингс American Economic Review, The Review of Economic Studies, Information Systems Research және Review of Economics and Statistics сияқты жетекші академиялық журналдарда әртүрлі мақалалар жариялады. Конингс әртүрлі үкіметтерге экономикалық саясат бойынша кеңес берді. Ол жеке фирмалардың, мемлекеттік мекемелердің және Орталық банктердің тұрақты қонағы болып табылады. Экономикалық саясатты зерттеу орталығының (CEPR) ғылыми қызметкері және Аймақтық экономикалық саясат орталығының (VIVES) директоры.

Венката Суббан Субраманян Назарбаев университетінің Жоғары бизнес мектебінде ғылыми-зерттеу жұмысы жөніндегі вице-деканы болып табылады. Ол бұған дейін Гонконг университетінде және Бельгиядағы Влерик бизнес мектебінде оқытушылық қызметін атқарған. Бельгияның Брюссель еркін университетінің Солвей бизнес мектебінде менеджмент докторы дәрежесін алғанға дейін ол Бельгиядағы Левен католиктік университетінде және Францияның INSEAD бизнес мектебінде стратегия, халықаралық менеджмент және қаржы саласындағы ғылыми-зерттеу жұмыстарымен айналысты. Оның стратегия және халықаралық бизнес саласындағы еңбектері жетекші академиялық журналдарда және іскери басылымдарда жарияланды. Доктор Венкат Суббан Субраманянның ғылыми қызығушылықтары
индустриалды сектор факторларының дамушы елдердегі компаниялардың өнімділігі мен жаһандық бәсекелестігіне әсерін қамтиды. Ол сонымен қатар Еуропа мен Азиядағы стартап-жобаларға кеңес берді.

Доктор Дженнифер Л. Льюис Назарбаев Университетінің Жоғары бизнес мектебінде
Академиялық мәселелер жөніндегі вице-декан қызметін атқарады. Оның Назарбаев
Университетіндегі еңбек жолы 2011 жылы НУ-дың профессорлық-оқытушылық құрамының алғашқы когортының арасында басталды. Жоғары бизнес мектебіне дейін ол НУ гуманитарлық және әлеуметтік ғылымдар мектебінде коммуникациялар департаментінің профессоры және басшысы (міндетін атқарушы) болды. Доктор Льюис Канзас Университетінде саяси коммуникация және көшбасшылық саласындағы екпіндері бар Коммуникацияны зерттеу бойынша Phd және магистр дәрежелерін алды. Ол бизнес коммуникация, көшбасшылық сияқты пәндерді оқытады және студенттерді бағдарлау кезінде командалық білім беру модульдерін жүргізуге ықпал етеді.

Мақсат Мамашев Қазақ мемлекеттік басқару академиясын (Нархоз, Алматы) «Халықаралық қаржы» мамандығы бойынша және Л.Н. Гумилев атындағы Еуразия ұлттық университетін(Астана) «Құқықтану» мамандығы бойынша бітірген. Ол сондай-ақ Англия политехникалық институтында (Кембридж, Ұлыбритания) Халықаралық бизнес экономикасын оқыды, АҚШ-тың Дьюк Университетінің Фукуа бизнес мектебінің Іскерлік әкімшілендіру магистрі (MBA) дәрежесіне ие және Халықаралық жобаларды басқару қауымдастығының (IPMA) жобаларды басқару бойынша сертификатталған жоба директоры (А деңгейі) болып табылады. 2024 жылдың ақпан айынан бастап Мамашев Назарбаев Университетінің бас операциялық директоры және НУ Жоғары бизнес мектебінің вице-деканы қызметін қоса атқарады. 2009
жылы құрылғаннан бастап НУ құру және дамыту бойынша жұмыс істеген шағын
құрылтайшылар тобының мүшесі ретінде қызмет атқарып, 2018 жылы ол Атқарушы вице-президент қызметінен кетті. 2019 жылы жаңа Астана халықаралық IT университетін құру бойынша ректор-жоба жетекшісі болып жұмыс істеді. Оның мемлекеттік және корпоративтік секторларда үлкен тәжірибесі бар. Бірнеше жыл бойы Мамашев Қазақстандық ұлттық географиялық қоғамның директорлар кеңесінің негізін қалаушы-мүшесі, Қазақстандық жобаларды басқару қауымдастығының вице-президенті және Дьюк Университетінің Фукуа бизнес мектебінің халықаралық консультативтік кеңесінің мүшесі ретінде қызмет атқарды.