Басшыларға арналған MBA бағдарламасы (EMBA) әртүрлі салалардағы кәсіпқойларды біріктіре отырып, бірегей оқу ортасын ұсынады. Оқыту орыс тіліне синхрондық аудару арқылы ағылшын тілінде жүргізіледі.
2. Онлайн өтінімді толтырып, қажетті құжаттарды жүктеу;
3. Өтінім беру;
4. Жеке сұхбаттан өту;
5. Нәтижелерді күту!
| ОНЛАЙН КЕҢЕС |
Өтінім беру ақысы қайтарылмайды және одан бас тартуға болмайды. Төлем тіркеу мерзімі аяқталғанға дейін жасалуы керек.
ЕМВА бағдарламасының үміткерлеріне қойылатын талаптар:
1. Ұлттық компанияларда, коммерциялық құрылымдарда, мемлекеттік мекемелерде, қоғамдық немесе халықаралық ұйымдарда басшы лауазымдарда жұмыс тәжірибесі болуы тиіс.
2. Бакалавр және/немесе магистр дәрежесінің берілгендігі туралы дипломдар.
Үміткерлер келесі құжаттарды ұсынулары тиіс:
Admissions.nu.edu.kz сайтында тіркелгеннен кейін кандидаттың жеке кабинетінде қол жетімді нысан бойынша ағылшын тілінде (немесе ағылшын тіліне аударылған) екі ұсыныс хат. Бір ұсыныс хат қазіргі немесе бұрынғы жұмыс берушден болуы керек. Екінші рецензент кандидаттың қалауы бойынша таңдалуы мүмкін. Жүйе кандидат онлайн тіркеуден өткен бойда сауалнамада көрсетілген рецензенттерге автоматты түрде өтініш жібереді, бұл кандидаттың жеке кабинетіндегі ЖІБЕРУ түймесін басу дегенді білдіреді. Рецензенттер хабарламаны алғаннан кейін 5 күн ішінде ұсыныс хаттарын жіберуі керек.
Ағылшын тіліндегі екі эссе.
1 эссе - Сіздің біліміңіз, жұмысыңыз және өмірлік тәжірибеңіз сыныптастарыңыздың MBA тәжірибесіне қалай ықпал ететінін 500 сөзбен немесе одан азырақ сипаттаңыз.
2 эссе - 500 немесе одан аз сөзбен басқалар сіз туралы білмейтін үш нәрсені сипаттаңыз.
Ағылшын тіліндегі корпоративтік қолдау хаты (немесе ағылшын тіліндегі аудармасы бар). Үміткердің қазіргі жұмыс берушісінен компания бағдарламаның оқу ақысын төлеуге міндеттелетінін растайтын және өтініш берушіге EMBA бағдарламасына қатысуына рұқсат берілетіндігін сипаттайтын хат.
Ағылшын тіліндегі түйіндеме (бір беттен аспауы керек).
Бакалавр және/немесе магистр дәрежесі туралы дипломның нотариалды куәландырылған ағылшын тіліндегі аудармасын қоса, транскрипті бар көшірмесі. Шетелдік оқу орындарында бакалавр және/немесе магистр дәрежесінің дипломын алған үміткерлер өздерінің ресми транскрипт(тер)ін тікелей Жоғары бизнес мектебіне жіберуді сұрауы керек.
Өтінім беру кезінде жарамды IELTS/TOEFL тестінің ресми сертификаты. IELTS Online және TOEFL iBT Home Edition нәтижелері қарастырылмайды.
Бағдарламаға оқуға түсетін үміткерлер Қабылдау комиссиясының шешімімен мына жағдайлардың бірінде:
- ағылшын тілі ресми қарым-қатынас, оқыту және күнделікті тұрмыстық тіл болып табылатын елде академиялық дәреже алғанда;
- ағылшын тілінде білім беру бағдарламалары бойынша білім алу қорытындылары бойынша бакалавр немесе магистр дәрежесін алғанда. Үміткерлер оқыту тілі шынында да ағылшын тілі болғанын растайтын ресми құжат ұсынуы тиіс;
- егер үміткер Назарбаев Университетінің түлегі болып табылса,
ағылшын тілі бойынша тестілеу нәтижелерін ұсынудан босатылуы мүмкін.
Ресми GMAT немесе GRE ұпайы міндетті талап болмаса да, сандық тәжірибесі шектеулі өтініш беруші өзінің өтінімін GMAT немесе GRE сертификаттарының көмегімен нығайта алады.
Өтініш берушінің жеке куәлігінің немесе төлқұжатының нотариалды куәландырылған көшірмесі.
Өтініш берушінің ағылшын тіліндегі аудармасы бар еңбек кітапшасының (немесе баламасының) нотариалды куәландырылған көшірмесі.
- талапкерлерді қабылдау комиссиясы сұхбатқа шақырады;
- өтініш берушінің толық өтінім пакетін ұсынуы EMBA бағдарламасына түсуге кепілдік бермейді;
- әрбір талапкер университеттің admissions.nu.edu.kz ресми сайтында онлайн-өтініш формасын толтырып, барлық кажетті құжаттарды ағылшын тілінде жүктеу керек.
Сіздің қызметкеріңіз сабақтарға демалыс күндері ғана келетін болады, сондайақ ол АҚШта толық курстан өтуі тиіс, осыған қарамастан ол оқу мерзімі аяқтаған соң алған білімін өз қызметінде дереу қолдана алады. Сондықтан біз жұмыс берушілерді өз инвестицияларының ең жоғары қайтарымын іске асыру үшін бағдарлама талаптарына аса көңіл бөлуге шақырамыз.
Бағдарлама бойынша оқыту біршама уақытты, сондайақ күш қуатты талап етеді. Тыңдаушылар өздерінің жеке және кәсіби міндеттері мен күрделі оқу бағдарламаның арасындағы теңгерімді табулары қажет.
Тыңдаушылар өз уақытының көп бөлігін сабақтарға бөлуге тиіс. Бұл ретте әрбір тыңдаушы өз уақытын өз бетінше өткізеді: кейбіреулері күн сайын бірнеше сағаттан оқыса, қайсы біреулері тек демалыс күндері ғана сабақ оқумен айналысады. Өзіңізге лайық режимді тауып алу өте маңызды. Отбасынан және
әріптестерінен қолдау табу табыс кілті болып табылады.
Кейбір компаниялар қызметкерлерге қосымша қолдау көрсете отырып, оның жұмыс жүктемесін азайтады. Алайда іс жүзінде бағдарламаның тыңдаушылары өздерінің кәсіби міндеттерінен бас тартпайды.