Осы пән алты негізгі көшбасшылық салаларын (дербес, салыстырмалы, контексті, рухтандырғыш, қолдаушы және жауапты көшбасшылық) қамтиды. Пән аталмыш салалар бір-бірімен қалай сабақтасады және бір-біріне қалай әсер етеді, көшбасшылықты бағалау үшін қандай әрекет жасауға болады деген сұрақтарға жауап беріп, жеке адамның әр саладағы көшбасшылық қасиеттерін қалай жетілдіруге болатынын үйретеді.

Бұл курс бизнес көшбасшыларына жаһандық және ішкі экономикалық тенденциялар мен саясаттың олар жұмыс істейтін елдің географиялық ерекшеліктеріне қалай әсер ететінін түсінуге көмектесу үшін жасалған. Курста менеджерлерге тәуекелдерді азайту, өсу жоспарларын әзірлеу және ішкі және халықаралық деңгейде инвестициялық шешімдер қабылдау үшін экономиканың орта мерзімді және ұзақ мерзімді көрсеткіштерін тануға және болжауға көмектесетін құралдар мен құрылымдар ұсынылады.

Курс математика негіздерін, сондай-ақ бағдарламалық қамту мен бизнес-құралдардың базалық жиынтығымен жұмыс жасауға қажеті компьютерлік дағдыларды қамтиды. Ол аталған бағдарламалық қамту МВА бағдарламасы кезінде пайдалана алатын тәсілдерді қамтиды. Оқу материалдары Microsoft Windows 2010 үшін жасалған.

Операциялық менеджмент ұйыммен ұсынылатын тауарлар мен қызметтер өндірісінде пайдаланатын процестерді жоспарлау мен бақылауды қамтиды. Негізінен, ұйымның нақты жұмысын іске асырумен байланысты барлық қызметті басқару болып табылады. Студенттер жұмысшылар өндірісте де, сервистік ұйымдарда да тап болатын түрлі мәселелер мен проблемаларды шешеді. Курс аталған мәселелер мен проблемаларды шешуге арналған үлгілеу мен әдіснаманы қамтиды. Ол сонымен қатар фирма операциялары нақты басымдықты қалай қамтамасыз ете алатынын түсіндіреді.

Бұл курс маңызды инвестициялық және қаржы шешімдерін қабылдауға жауапты қаржы менеджерлері үшін арналған. Курс қаржылық қосымшалар мен әдістерді қамтиды. Оқу кезінде теориялық сұрақтарға қарағанда бизнес ортаны талдауға негізделген мәселелерді шешу бойынша дағдыларды дамытуға көбірек көңіл бөлінеді.

Бұл курс халықаралық қаржы және қаржы менеджментінің халықаралық тәжірибелеріне кіріспе болып табылады.Курс халықаралық қаржыны анықтайтын теориялық факторлар және халықаралық қаржылық менеджмент реалийлері арасындағы байланыстар туралы ұғым береді. Курс тақырыбы: валюта нарықтарының жұмысы, валюта бағамдарын анықтау, валютамен сауда жасау, халықаралық валюта жүйесі, валюта тәуекелдерін хеджирлеу әдістері және халықаралық қаржыландыру мен инвестициялық шешімдер.

Бұл курс кәсіпкерлік әлеуеті бар адамдарды жаңа кәсіпорынды іске қосу мүмкіндіктерін бағалау және болашақ өсу платформасын құру мен қамтамасыз ету үшін қандай ресурстар мен мүмкіндіктер қажет болатынын және ол үшін қандай бизнес-модельдің пайдаланатынын түсіну үшін ақпаратпен және құралдармен қамтамасыз етуге бағытталған. Курс өнеркәсіптің компьютерлер, бағдарламалық қамту, фармацевтика, биотехнологиялар мен коммуникациялар сияқты инновациялық салаларын зерттеуге бағытталған.

Осы курс сыртқы әріптестер (инвесторлар, несие берушілер және бақылаушы органдар) қолданатын корпоративтік қаржы есептерін дамытып, талдауды үйренуге бағытталған. Оқыту барысында студенттер есептердің әр түрлі формаларымен танысуы үшін нақты компаниялардың қаржы есептері талқыланады. Студенттердің қаржы есептерін түсініп, шешім қабылдау кезінде оларды есепке алу бойынша дағдылары қалыптасады.

Жобаларды басқару ұғымдары мен құралдарын пайдалану әдістері мен әдіснамасы барған сайын кеңінен таралуда. Курс жобаларды жалпы мәнмәтінде басқаруға бағытталған, алайда ол бағдарламалық қамтамасыз ету немесе конструкция жобалары сияқты нақты жобаларға шоғырландырылмаған. Жобаның өмірлік циклының құрылымын пайдалана отырып курс мыналарға қатысы бар әр түрлі аспектілерді өтейді : (i) жобаны бағалау және таңдау, (ii) жобаны жоспарлау мен графигі, (iii) жобаны мониторингілеу мен бақылау, (iv). тәуекелдерді басқару. Ресурстармен шектелген жобаларды жоспарлай отырып ынталандыру бағдарламасының жобаларды басқарудағы рөлі және шарт жасау қамтылған. Бұған қоса, Икемді басқару жобасына шолуды, Ұйымдастыру құрылымын және жобаларды басқару тәсілдерін қамтиды.

Бұл курс дамушы нарық экономикасында жұмыс істейтін фирмаларды зерттеуге негізделген. Осындай нарық түріне жататын мемлекеттер әлем бойынша ең серпінді экономикаға ие. Оған жататындары: БРҮҚ (Бразилия, Ресей, Үндістан және Қытай) мүшелігіне енетіндерден бастап, Африка, Латын Америка, Азия және Таяу Шығысқа дейінгі мемлекеттер. Курстың негізгі зерттеу тақырыбы - дамушы нарық стратегиялардың түрі мен қарқындығы неліктен және қай жолмен ерекшеленетіндігін табу. Оның төрт себебі бар: Қарқынды бәсекелестік артықшылық, Ресурстардың қиын менеджменті, Өзіне тән белгісіздік және саяси қоршаған орта. Сонымен қатар, ол бірқатар стратегиялық шешімдерге әсер етеді: құндылық тізбегіндегі позициялану, адам ресурстарын бақылау, инновация және даму мен кеңею.

Жобалық қаржыландыру бұл курста кеңінен түсіндіріледі және энергетиканы қаржыландыруды, қоршаған ортаны қаржыландыруды, инфрақұрылымды қаржыландыруды, инвестициялардың ықпал етуін, ірі жобаларға арналған мемлекеттік-жеке әріптестікті, исламдық қаржыландыруды, ірі жобаларды синдикаттауды, нақты опциондарды бағалауды және климаттық қаржыландыруды қамтитын болады.

Бұл курс венчурлік каптиалистер компанияларды қалай қаржыландыруды қамтамасыз ететінін; олар бизнес-жоспарда неге көңіл бөлетінін; олар компанияны қалай бағалайтынын; және келісім-шарттың талаптарын қалай құрылымдайтынын түсіндіреді. Практикалық мысалдарды мен жаттығуларды (кейстерді зерттеу) пайдалана отырып, бұл курс венчурлік капитал тәсілінің негізгі қағидаттарын, инвестицияларды тартудың стратегияларын, кәсіпорынның алғашқы сатыларындағы бағалау тәсілдерін және келісім жасау кезіндегі келіссөздерді жүргізудің сенімді тәсілдерін талдайды.