Бейімдеу бағдарламасы төрт бөліктен тұрады: 1) көшбасшылық дағдылар мен команда құрамында жұмыс істеу қабілетін дамытуға бағытталған командалық жаттығулар; 2) қаржы, маркетинг және шешім қабылдау салаларына қатысты математикалық ұғымдар; 3) бизнес-бағдарламалардың негізгі жиынтығымен жұмыс істеу дағдысын қалыптастыруға арналған іскерлік компьютерлік қосымшалар; 4) бухгалтерлік есеп негіздері, атап айтқанда дебет пен кредит, Т-шоттар, айналым балансы және операцияларды талдау.

Осы курс сыртқы әріптестер (инвесторлар, несие берушілер және бақылаушы органдар) қолданатын корпоративтік қаржы есептерін дамытып, талдауды үйренуге бағытталған. Оқыту барысында студенттер есептердің әр түрлі формаларымен танысуы үшін нақты компаниялардың қаржы есептері талқыланады. Студенттердің қаржы есептерін түсініп, шешім қабылдау кезінде оларды есепке алу бойынша дағдылары қалыптасады.

Бұл курс белгісіздікке байланысты мәселелерді талдауға арналған тәсілмен таныстырады және осы тәсіл негізінде деректерді түсіндіруге қажетті құралдарды қалыптастырады. Курстың мақсаты — кейінгі пәндер үшін де, басқарушылық мансап үшін де ықтималдықтар теориясы мен статистика саласында тиісті негіз қалау.

Бұл курстың мақсаты — студенттерді мансап бағытына қарамастан өзгелерді тиімді басқара алатын көшбасшылар мен менеджерлер ретінде даярлау, сондай-ақ нәтижеге жету үшін адамдарды қалай дұрыс ұйымдастырып, олардың белсенді қатысуын қамтамасыз ету керектігін жақсы талдай білуге үйрету.

Жобаларды басқару ұғымдары мен құралдарын пайдалану әдістері мен әдіснамасы барған сайын кеңінен таралуда. Курс жобаларды жалпы мәнмәтінде басқаруға бағытталған, алайда ол бағдарламалық қамтамасыз ету немесе конструкция жобалары сияқты нақты жобаларға шоғырландырылмаған. Жобаның өмірлік циклының құрылымын пайдалана отырып курс мыналарға қатысы бар әр түрлі аспектілерді өтейді : (i) жобаны бағалау және таңдау, (ii) жобаны жоспарлау мен графигі, (iii) жобаны мониторингілеу мен бақылау, (iv). тәуекелдерді басқару. Ресурстармен шектелген жобаларды жоспарлай отырып ынталандыру бағдарламасының жобаларды басқарудағы рөлі және шарт жасау қамтылған. Бұған қоса, Икемді басқару жобасына шолуды, Ұйымдастыру құрылымын және жобаларды басқару тәсілдерін қамтиды.

Бұл курс дамушы нарық экономикасында жұмыс істейтін фирмаларды зерттеуге негізделген. Осындай нарық түріне жататын мемлекеттер әлем бойынша ең серпінді экономикаға ие. Оған жататындары: БРҮҚ (Бразилия, Ресей, Үндістан және Қытай) мүшелігіне енетіндерден бастап, Африка, Латын Америка, Азия және Таяу Шығысқа дейінгі мемлекеттер. Курстың негізгі зерттеу тақырыбы - дамушы нарық стратегиялардың түрі мен қарқындығы неліктен және қай жолмен ерекшеленетіндігін табу. Оның төрт себебі бар: Қарқынды бәсекелестік артықшылық, Ресурстардың қиын менеджменті, Өзіне тән белгісіздік және саяси қоршаған орта. Сонымен қатар, ол бірқатар стратегиялық шешімдерге әсер етеді: құндылық тізбегіндегі позициялану, адам ресурстарын бақылау, инновация және даму мен кеңею.

Бұл курс капитал нарықтары, инвестициялар және активтерді бағалаудың іргелі қағидаттарын егжей-тегжейлі қарастырады. Курс жеке инвестордың, корпоративтік қаржы менеджерінің және инвестициялық менеджердің көзқарасы тұрғысынан да пайдалы болмақ.

Бұл курс студенттерді басқарушылық шешімдерге экономикалық тұрғыдан қарауға баулуға арналған. Біз фирмалардың, тұтынушылардың және мемлекеттің шешімдерін, сондай-ақ олардың өзара әрекеттесуі нарықтағы нәтижелерді қалай айқындайтынын қарастырамыз. Бұл бізді нарықтың әртүрлі құрылымдарын — кемел бәсекеден бастап олигополияға (шектеулі сандағы бәсекелестер арасындағы бақталастық) және монополияға (бір үстем фирма) дейін — зерттеуге жетелейді. Курс барысында болашақта түйсік, талдау және интуиция қалыптастыруға негіз болатын іргелі білім ұсынылады.

Операциялық менеджмент ұйыммен ұсынылатын тауарлар мен қызметтер өндірісінде пайдаланатын процестерді жоспарлау мен бақылауды қамтиды. Негізінен, ұйымның нақты жұмысын іске асырумен байланысты барлық қызметті басқару болып табылады. Студенттер жұмысшылар өндірісте де, сервистік ұйымдарда да тап болатын түрлі мәселелер мен проблемаларды шешеді. Курс аталған мәселелер мен проблемаларды шешуге арналған үлгілеу мен әдіснаманы қамтиды. Ол сонымен қатар фирма операциялары нақты басымдықты қалай қамтамасыз ете алатынын түсіндіреді.

Бұл курс студенттерге маркетингтің негізгі ұғымдарын және қажетті талдау дағдыларын меңгертеді, осының арқасында студенттер тұтынушылардың қалаулары мен қажеттіліктерін қалай қалыптастыру әрі қанағаттандыру керектігін саналы түрде шеше алады, әрі осы үдеріс барысында фирма елеулі пайда таба алатындай қажетті даралануға қол жеткізеді. Осылайша, курс студенттерді нарықтарды талдауға және оңтайлы маркетингтік бағдарламаларды әзірлеуге қажетті қағидаттармен, үдерістермен және құралдармен таныстырады.

Бұл курс кәсіпкерлік әлеуеті бар адамдарды жаңа кәсіпорынды іске қосу мүмкіндіктерін бағалау және болашақ өсу платформасын құру мен қамтамасыз ету үшін қандай ресурстар мен мүмкіндіктер қажет болатынын және ол үшін қандай бизнес-модельдің пайдаланатынын түсіну үшін ақпаратпен және құралдармен қамтамасыз етуге бағытталған. Курс өнеркәсіптің компьютерлер, бағдарламалық қамту, фармацевтика, биотехнологиялар мен коммуникациялар сияқты инновациялық салаларын зерттеуге бағытталған.

Стратегия курсының мақсаты — табысты стратегияларды әзірлеу мен жүзеге асырудың негізі болып табылатын түйінді ұғымдар мен әдістермен қатысушыларды таныстыру. Алайда курстың басты ниеті нақты талдау құралдарын меңгеру емес, белгісіздік пен күрделілік жағдайында әрекетке бағыт беру үшін стратегиялық ойлау мен басқарушылық көзқарасты дамыту болып табылады. Сондықтан курста басты назар осы дағдыларды күрделі басқарушылық жағдайларды бағалау кезінде қалай қолдану керектігін үйренуге аударылады.

Бұл курс маңызды инвестициялық және қаржы шешімдерін қабылдауға жауапты қаржы менеджерлері үшін арналған. Курс қаржылық қосымшалар мен әдістерді қамтиды. Оқу кезінде теориялық сұрақтарға қарағанда бизнес ортаны талдауға негізделген мәселелерді шешу бойынша дағдыларды дамытуға көбірек көңіл бөлінеді.

Бұл курс бизнес көшбасшыларына жаһандық және ішкі экономикалық тенденциялар мен саясаттың олар жұмыс істейтін елдің географиялық ерекшеліктеріне қалай әсер ететінін түсінуге көмектесу үшін жасалған. Курста менеджерлерге тәуекелдерді азайту, өсу жоспарларын әзірлеу және ішкі және халықаралық деңгейде инвестициялық шешімдер қабылдау үшін экономиканың орта мерзімді және ұзақ мерзімді көрсеткіштерін тануға және болжауға көмектесетін құралдар мен құрылымдар ұсынылады.

Курс математика негіздерін, сондай-ақ бағдарламалық қамту мен бизнес-құралдардың базалық жиынтығымен жұмыс жасауға қажеті компьютерлік дағдыларды қамтиды. Ол аталған бағдарламалық қамту МВА бағдарламасы кезінде пайдалана алатын тәсілдерді қамтиды. Оқу материалдары Microsoft Windows 2010 үшін жасалған.

Осы пән алты негізгі көшбасшылық салаларын (дербес, салыстырмалы, контексті, рухтандырғыш, қолдаушы және жауапты көшбасшылық) қамтиды. Пән аталмыш салалар бір-бірімен қалай сабақтасады және бір-біріне қалай әсер етеді, көшбасшылықты бағалау үшін қандай әрекет жасауға болады деген сұрақтарға жауап беріп, жеке адамның әр саладағы көшбасшылық қасиеттерін қалай жетілдіруге болатынын үйретеді.

Бұл курс халықаралық қаржы және қаржы менеджментінің халықаралық тәжірибелеріне кіріспе болып табылады.Курс халықаралық қаржыны анықтайтын теориялық факторлар және халықаралық қаржылық менеджмент реалийлері арасындағы байланыстар туралы ұғым береді. Курс тақырыбы: валюта нарықтарының жұмысы, валюта бағамдарын анықтау, валютамен сауда жасау, халықаралық валюта жүйесі, валюта тәуекелдерін хеджирлеу әдістері және халықаралық қаржыландыру мен инвестициялық шешімдер.

Бұл пән қаржылық есептілікті талдау және түсіндіру үшін қажетті негіздерді ұсынады, капитал нарықтарында қолданылатын қаржылық ақпараттың ашық дереккөздерімен таныстырады, сондай-ақ қаржылық жоспарлау мен талдау саласындағы маңызды Excel модельдеу дағдыларын дамытуға бағытталған. Атап айтқанда, пән компанияларды талдауға арналған және фирманың стратегиялық шешімдерінің ағымдағы және болжамды қаржылық есептілікке қалай әсер ететініне ерекше назар аударады.

Бұл пән жоспарлау, шешім қабылдау және бақылау мәселелеріне бағытталған және екі негізгі тақырыпты қамтиды: шығындарды басқару жүйелері және басқарушылық бақылау жүйелері. Шығындарды басқару жүйелері ұйым ұсынатын тауарлар мен қызметтердің өзіндік құны туралы ақпаратты қалыптастырып, ұйымның экономикалық мүдделерін барынша арттыруға бағытталған шешімдер қабылдауға мүмкіндік береді. Басқарушылық бақылау жүйелері қызмет нәтижелерін бақылау және қызметкерлерді ынталандыру үшін қолданылады, осылайша олардың экономикалық мүдделері ұйым иелерінің мүдделерімен үйлестіріледі.

Бұл пән компанияның пайдасын барынша арттыру мақсатында клиенттерді тиімді басқару мәселелеріне арналған. Негізгі назар стратегиялық деңгейдегі басқаруға аударылады және клиенттерді таңдау, тарту, ұстап қалу және олармен тиімді жұмыс істеу тәсілдерін жан-жақты қарастырады. Пәннің клиентке бағдарланған сипаты ұйымның мүмкіндіктері мен ресурстарын олардың клиент үшін құндылық қалыптастыруға қосатын үлесі тұрғысынан бағалауды көздейді.

Келіссөздер жүргізу – өзара тәуелді екі немесе одан да көп тарап арасында келісімге қол жеткізудің өнері мен ғылымы. Бұл пән студенттерге әртүрлі жағдайларда қолданылатын келіссөздер теориясы мен үдерістерін түсінуге, тиімді келіссөздің негізгі құрамдас бөліктерін анықтауға және келіссөздер барысында өз мінез-құлқын талдауға көмектеседі.

Бұл пән корпорация, бөлімше немесе басқа да операциялық құрылым шеңберінде жұмыс істейтін менеджерлердің көзқарасы тұрғысынан қарастырылады. Олар өздерінің жеке міндеттері мен жауапкершіліктерін компанияның жалпы мақсаттарымен үйлестіруі қажет. Пән күрделі бизнес жағдайларындағы стратегиялық мәселелерді диагностикалау және оларды шешудің шынайы жолдарын табу үшін қажетті көзқарастар мен дағдыларды дамытуға бағытталған. Студенттер бизнес-кейстерді жан-жақты талдауды және тиімді іс-қимыл жоспарын ұсынуды үйренеді.